في حوار خاص للمرحومة نيرة أشرف رحمة الله عليها على الصورة الجماعية بين نيرة أشرف واحد الفنانين والممثلين الذي بجانبيها في الصورة الموضحة .
قال الفنان "باهر النويهى Baher El Newehy" في فيديو عبر حسابه على منصة انستجرام :
عنوانه "مفيش كلام تاني اقوله عن حادثة نيرة اشرف"
ويقول بداخل الفيديو : "الفترة اللي فاتت أنا قريت وشوفت اسمي في كذا خبر وفيديو له علاقة بحادثة مقتل نيرة أشرف والحقيقة ض الموضوع ده مضايقني جدا لأن الأخبار دي في منها كتير ملهوش أي أساس من الصحة" .
"اللي مضايقني أكتر أن في ناس بتقرى الأخبار دي وتصدقها وتيجي تكتب عندي تعليقات محرجة ، واللي يقولك ده باين عليه حبيبها ومخبي ومش عارف إيه ، وبعدين واحد دخل كتب على صورة أنا عامل فيها حادثة وكنت مقلوب بالعربية وهموت 'عشان تعرف إن الموت قريب من كل الناس عشان تبقى تتخلى عن نيرة أشرف وتمسح صورها'، هو الحقيقة إن أنا مسحت صورها فعلا ، بس أنا مسحتها لأن في ناس بعتتلي إن بسبب الصور دي نيرة أشرف بيتشهرّ بيها، وأنا أصلا مش فاهم إيه اللي في الصور يشهرّ بنيرة أشرف" .
ويقول مؤخرا : "أنا مش عايز الناس تشير حاجات هما مش عارفنها ولا يكتبوا كلام يضايق وملوش أي معنى، دي بنت ميتة، اعتبرها أختك ، الله يرحمها".
واستكمل في فيديو آخر: "أنا أعرف نيرة من خلال ناس صحابي، اتقابلنا كذا مرة واتكلمنا كذا مرة بس الكلام كان على القد، من خلال معرفتي بنيرة هي بني آدمة كويسة جدا ومحترمة جدا، وعمري ما شوفت منها أي حاجة وحشة، ولا عمرها اتكلمت معايا عن الوسط الفني ولا إنها عايزة تدخل الوسط الفني".
وقال عن هذه الصورة الجامعية : "يا جماعة دي صورة جماعية مع حد ممكن يكون حد نعرفه او لسه مقابلينه ومن غير ما يكون بينهم أي علاقة طالما في جروب عادي والصورة مفيهاش أي حاجة تدينها".
وقالت الممثلة "ديانا هشام Dayana Hisham" عبر حسابها على منصة انستجرام
(عن صورتها مع نيرة أشرف) : "أنا صاحية على تليفونات كتير ، وكلهم بيسألوني عن حكاية الصورة دي ، أنا عايزة أعرف هو إيه اللغز اللي يخليكم تحطوا دايرة حمراء على وشي؟ مش عارفة انتوا بتدوروا على ايه يعني؟!" .
واضافت كلام اخر : "أنا كنت مدعوه في المكان ده ، مناسبة زي أي مناسبة معزومين فيها عادي ، وده مش معناه إن أي حد معايا في الصورة يبقى صاحبي أو من أنتيمي أو من عيلتي ، دي صورة جماعية في مناسبة عادية ، اتصورنا صورة بس ومافيش بينا اي لقاءات تانية ولا اي حاجة" .
"وهي كانت صاحبة ناس صحابنا وكانت معزومة في المكان ده ، وصورة دي من 2020 ، هو ايه اللي بعد مقتلها ! ، هو أي بروباجندا وخلاص عيب يا جماعة ، دعوا الخلق للخالق ، ربنا يرحمها ، وهي دي المرة الوحيدة اللي أنا شوفت فيها نيرة الله يرحمها ، وأنا أكيد مش هنكر معرفتها ، أنا هنكر معرفتها ليه يعني ! ، هي دي الصدفة الوحيدة اللي جمعتنا مع بعض" .
"أنا معرفهاش شخصيا يعني إحنا حتى يومها متكلمناش مع بعض وهي بنت محترمة جدا وسمُعتها كويسة جدا جدا وربنا يرحمها برحمته ، وكلنا قلبنا اتقطّع اوي عليها ، يا جماعة خلاص بقى ، وارحموا من في الأرض يرحمكم من في السماء ، ويا جماعة أنا لو تم استغلال اسمي أو صورتي مرة تانية انا هتخذ إجراءات قانونية" .
وعلّقت ديانا على فيديو لأحد زملائها : "أي حد بيشوف الفيديو ده ياريت يترحم على المرحومة نيرة أشرف ويقرأ لها الفاتحة ، لكن بقى أي حد بيستغل موتها عشان يحقق مشاهدات ويكون تريند فا حسبن الله ونعم الوكيل" .
#نيرة_اشرف #باهر_النويهي #ديانا_هشام #مقتل_نيرة_اشرف #جريمة_قتل #اخبار_الجرائم #اخبار_هامة #baher_elnewehy #dayana_hisham
#شاب_كوميدي_مصري | #Shab_Comedy_Misry
إرسال تعليق