شاب مصري يتعدى على فتاة في شارع "سوريا"
استطاع شاب مجهول الهوية أن يتعدى على فتاة برنامج الدوم الآنسة "ضحى يوسف" ويضربها ويتنمر عليها في شارع سوريا بمنطقة المهندسين .
وتقول ضحى يوسف فتاة برنامج الدوم انها تريد حقها القانوني لما حدث معها في شارع سوريا بالمهندسين .
حيث نشرت الآنسة "ضحى يوسف" فيديو لها متداول على موقع التواصل الاجتماعي (انستجرام) بعنوان "فين الامان في الشارع ، أنا عايزة حقي" وتتحدث وهي تبكي عن ما حدث معها داخل شارع سوريا ، وفي داخل هذا الفيديو قالت : "أنا كنت رايحة أركب عربيتي ركناها في شارع سوريا في المهندسين ، وقبل العربية بخطوتين ، لقيت واحد جايلي وماشي جمبي وبدأ يقول كلام مش حلو ، قلتلوا لو سمحت احترم نفسك وامشي بعيد عني يا اما هعلي صوتي وألم الشارع وكملت مشي ، لقيت فجأة بدون مقدمات بإيده ونازل على وشي وضربني ، لسا بجمّع ايه اللي بيحصل ده! ، ببصلو لقيتوا بيش*ر وبيقول لي "ك* امك" كزا مرة وبيقول لي "فكراني هخاف منك ولا ايه" ، وأنا في صدمة ومش فاهمة ايه اللي بيحصل ده ، وببص لحارس العمارة اللي راكنة عندها ، كان واقف وشايف كل حاجة بقوله "حضرتك هو ايه ده؟" ، لغاية ما طلعت الموبايل و قولتلوا "ممكن تعيد بقى اللي انت لسا عامله عشان اصورك" ، راح جري ولف لحد ما عرفت اركب العربية وبزعق وبصوت الناس اتلمت بيقولولي تعرفيه ، قلتلهم اللي حصل راح البجح يكذب ويقولهم "انا ضربتها عشان شتمتني" ، هنا بدأت ازعق واقول للناس امسكوه وصوروه انا عايزة اخد حقي وعماله اكرر الكلام ده ، لغاية ما قرب على العربية تاني روحت مصوراه ولما لقاني بصوره عمل زي ما انتوا شايفين في الفيديو ، ومشي ومحدش مسكوا ، كانوا قاعدين بيتناقشوا معاه في ايه اللي حصل ، وواحد من الناس بيقول ماهي حتى لو شتمك اكيد بسبب ، اللي هو احنا ف ايه ولا في ايه ، 5 أو 6 رجالة شايفين واحدة مضروبة بدل مايمسكوه يرقعوه عالقة ولا يصوروه ولا يطلعوا بيه على القسم .. قاعدين بيتناقشوا (لا تعليق) ، وعملت محضر . بس مش هقدر اوصل لحاجة عشان ميعرفوش حتى اسموا وشكله مش مألوف في المنطقة ، والناس في الأخر كانت بتقول لي امشي متتكلميش معاه شكلوا متعاطى حاجه .. كتر خيرهم . هو ده اللي قدروا عليه ، تعديل: اكتشفت ان ورا ودني وارم وفكي واجعني" .
واضافت مينشن @ الى assault police ، speak up ومنصة الصحافة الخاصة بالأخبار بإسم "e7kky إحكي" عبر موقع التواصل الاجتماعي انستجرام ، واضافت هاشتاج لما حدث معها وتقول #عايزة_حقي .
من هي "ضحى يوسف" ؟
الآنسة ضحى يوسف هي فتاة قامت سابقآ بالتقدم الى برنامج الدوم الذي تم عرضه على قناة اون تي في الفضائية المصرية on tv ، والذي كان يجمع العديد من الموهوبين في جمهورية مصر العربية بالكامل ، مثل مواهب التمثيل المؤثر , الكوميدي والغناء العربي وفئة تقديم الأخبار وغيرها من الفئات الآخرى ، كما أنها حازت على تقدير جيد بالموهبة الخاصة بها .
ما هو برنامج الدوم؟
برنامج الدوم هو برنامج عربي من تقديم وإنتاج شركة "United المتحدة للخدمات الإعلامية" من المنتج المصري "تامر مرسي" الذي انتج العديد من المسلسلات الدرامية والأفلام الوثائقية والكوميدية والأكشن وغيرها ، وتحت شعار (الدوم .. بوابة النجوم) ، يجمع هذا البرنامج العديد من البشر من مختلف المحافظات المصرية مثل القاهرة والإسكندرية والسويس وبورسعيد والأقصر وأسيوط ، الذين يملكون موهبة كبيرة والقدرة على اخراج الموهبة بالشكل الصحيح ، مثل مواهب التمثيل الكوميدي والمؤثر وتقديم البرامج الإخبارية وموهبة الغناء العربي فقط من دولة مصر ، وكان يذاع برنامج الدوم بموسم واحد فقط على قناة أون on tv الفضائية المصرية .
ما هو حل هذه المشكلة التي تواجه البنات المصرية اتجاه المجتمع ؟!
يجب أن يتم تنفيذ القانون الدولي للتنمر ، حتى يجعل المواطنين أولآ في أمان نفسي وثانيآ أمان في المناطق المحلية مثل الشوارع والمدن .
وقد حاز المنشور المتداول عبر انستجرام على عدد كبير من التعليقات التي توضح انهم ليس راضين عن ما حدث للفتاة ضحى يوسف فتاة برنامج الدوم ...
ومن هذه التعليقات : "ده واحد لازم يتحاسب على اللي عمله" ، "كفاية يا مصر" ، "دي قلة أدب" ، "ده شارب حاجه" ، "حسبي الله ونعم الوكيل" .
وقامت صفحة "what women wantm" المتحدثة بإسم المرأة المصرية ، بنشر الفيديو الخاص بضحى يوسف (فتاة الدوم) .
وكتبت الصفحة "What Women wantm" : "هي دي الحياة اليومية للست المصرية في الشارع ، ولحد امتى؟ ، بنتمنى لضحى أنها تتخطى الموقف المؤذي ده وتاخد حقها ، والمجرم ياخد العقاب اللي يستاهله" .
وتحاول مجموعة what women wantm من إيجاد الحق لهذه الفتاة .
وقد اخذت ضحى يوسف حقها بالكامل وتم القبض على من قام بالتعدي عليها من قبل "وزارة الداخلية المصرية" و"مديرية أمن الجيزة" ، وقامت بنشر فيديو اليوم على مواقع التواصل الاجتماعي عبر منصة "انستجرام" وشكرت في وزارة الداخلية ومديرية أمن الجيزة على حسن التعاون معها وايجاد حقها ، كما انها شكرت صفحة speak up التي تواصلت معها وقامت بوصول البلاغ للمديرية .
شكر خاص لوزارة الداخلية المصرية ومديرية أمن الجيزة على حسن التعاون مع ضحى يوسف ومع كل فتى أو فتاة مصرية .
#فتاة_الدوم #ضحى_يوسف #شارع_سوريا #المهندسين #مصر #speakup #speak_up #what_women_wantm #وزارة_الداخلية_المصرية #مديرية_امن_الجيزة #الشارع #تنمر #معاكسات #بنات_مصر #فتايات #فتايات_مصر
#شاب_كوميدي_مصري | #Shab_Comedy_Misry
إرسال تعليق